ज्येष्ठ अभिनेत्री सुहास जोशी यांना २०२५ चा मानाचा 'गदिमा पुरस्कार' जाहीर

पुणे: मराठी चित्रपट, नाटक आणि मालिका अशा तिन्ही क्षेत्रांत आपल्या खणखणीत अभिनयाचा ठसा उमटवणाऱ्या ज्येष्ठ अभिनेत्री सुहास जोशी यांची २०२५ च्या प्रतिष्ठित 'गदिमा पुरस्कारा'साठी निवड करण्यात आली आहे. गदिमा प्रतिष्ठानतर्फे आधुनिक वाल्मिकी ग. दि. माडगूळकर यांच्या स्मृतीनिमित्त दरवर्षी हा पुरस्कार दिला जातो.

सुहास जोशी यांनी त्यांच्या ५५ वर्षांहून अधिक काळाच्या प्रवासात 'विजया', 'बॅरिस्टर' यांसारखी गाजलेली नाटके आणि अनेक दर्जेदार चित्रपटांतून प्रेक्षकांच्या मनावर राज्य केले आहे. वयाच्या ७७ व्या वर्षीही 'गाडी नंबर १७६०' सारख्या चित्रपटांतून त्या सक्रिय आहेत. या पुरस्काराचे वितरण पुण्यात एका विशेष सोहळ्यात ज्येष्ठ अभिनेते मोहन जोशी यांच्या हस्ते करण्यात आले. सुहास जोशी यांच्यासोबतच लेखक-दिग्दर्शक नागराज मंजुळे यांना 'चैत्रबन पुरस्कार' देऊन गौरवण्यात आले. कला क्षेत्रातील त्यांच्या अतुलनीय योगदानाची दखल या पुरस्काराद्वारे घेण्यात आली आहे.