नाशिकसाठी मोठी बातमी: सिन्नरचा औष्णिक विद्युत प्रकल्प १० वर्षांनंतर पुन्हा सुरू होणार!

नाशिक: उत्तर महाराष्ट्राच्या औद्योगिक विकासाला मोठी गती देणारा निर्णय समोर आला आहे. सिन्नर औद्योगिक वसाहतीमधील गेल्या दशकभरापासून बंद असलेला औष्णिक विद्युत प्रकल्प आता पुन्हा एकदा कार्यान्वित होत आहे. १ मार्च २०२६ पासून हा प्रकल्प 'महाजेनको' आणि 'NTPC' यांच्या संयुक्त विद्यमाने सुरू होणार असल्याचे स्पष्ट झाले आहे.
१००० एकर जागेवरील प्रकल्पाचे पुनरुज्जीवन.

जवळपास १००० एकर जागेवर पसरलेला हा महाकाय प्रकल्प गेल्या १० वर्षांपासून धूळ खात पडला होता. हा प्रकल्प सरकारने आपल्या ताब्यात घेऊन तो पुन्हा सुरू करावा, यासाठी सातत्याने पाठपुरावा करण्यात येत होता. अखेर महाजेनको (MAHAGENCO) ने या प्रकल्पाचा ताबा घेतला असून, एनटीपीसीच्या सहकार्याने आता वीज निर्मितीला सुरुवात होणार आहे.