कोल्हापूर महापालिकेत मेगाभरतीचे संकेत; १,७७० पदे भरण्याचा प्रस्ताव अंतिम टप्प्यात

कोल्हापूर: कोल्हापूर शहरवासीयांसाठी आणि नोकरीच्या शोधात असलेल्या तरुणांसाठी एक मोठी आणि आनंदाची बातमी आहे. कोल्हापूर महानगरपालिकेतील रिक्त पदांचा प्रश्न लवकरच सुटण्याची शक्यता निर्माण झाली असून, तब्बल १,७७० पदे भरण्याचा प्रस्ताव राज्य शासनाच्या मंजुरीच्या अंतिम टप्प्यात असल्याची माहिती आमदार राजेश क्षीरसागर यांनी दिली आहे. राज्य नियोजन मंडळाचे कार्यकारी अध्यक्ष आमदार राजेश क्षीरसागर यांनी ७ मार्च २०२६ रोजी कोल्हापूर येथे घेतलेल्या पत्रकार परिषदेत ही माहिती दिली आहे. कोल्हापूर महानगरपालिकेत गेल्या अनेक वर्षांपासून मोठी पदभरती झालेली नाही. सद्यस्थितीत ४,६६१ मंजूर पदांपैकी जवळपास १,७८२ पदे रिक्त आहेत, ज्यामुळे प्रशासकीय कामावर ताण येत आहे. भरतीचे महत्त्वाचे मुद्दे: प्रस्तावित पदे: १७७० (गट 'ब', 'क' आणि 'ड' संवर्गातील पदे गेल्या अनेक वर्षांपासून कोल्हापूर महानगरपालिकेत कायमस्वरूपी कर्मचाऱ्यांची कमतरता भासत आहे. सद्यस्थितीत सुमारे ३८% पदे रिक्त असल्याने आरोग्य, पाणीपुरवठा आणि स्वच्छता यांसारख्या अत्यावश्यक सेवांवर परिणाम होत होता. नवीन आकृतीबंधानुसार ही पदे भरली गेल्यावर महापालिकेच्या कामकाजात मोठी सुधारणा होईल, अशी अपेक्षा व्यक्त केली जात आहे.