MPSC ५५२ जागांसाठी जाहिरात प्रसिद्ध; PSI / STI पदांचा समावेश.

मुंबई: स्पर्धा परीक्षेची तयारी करणाऱ्या राज्यातील हजारो विद्यार्थ्यांसाठी एक आनंदाची बातमी समोर आली आहे. महाराष्ट्र लोकसेवा आयोगाने (MPSC) 'महाराष्ट्र गट-ब (अराजपत्रित) सेवा संयुक्त पूर्व परीक्षा २०२६' ची अधिकृत जाहिरात प्रसिद्ध केली आहे. या भरती प्रक्रियेद्वारे शासनाच्या विविध विभागांतील एकूण ५५२ रिक्त पदे भरली जाणार आहेत. आयोगाने प्रसिद्ध केलेल्या पत्रकानुसार: पोलीस उपनिरीक्षक (PSI): ३१० जागा राज्य कर निरीक्षक (STI): २३६ जागा सहायक कक्ष अधिकारी (ASO): ०६ जागा अर्ज करण्याची मुदत: १० एप्रिल ते ३० एप्रिल २०२६. परीक्षा शुल्क: खुला प्रवर्ग - ५४४ रुपये, तर मागासवर्गीय व अनाथ उमेदवारांसाठी ३४४ रुपये शुल्क आकारले जाणार आहे. पात्रता: कोणत्याही शाखेचा पदवीधर या परीक्षेसाठी पात्र असेल. पदवीच्या शेवटच्या वर्षाला असलेले विद्यार्थी देखील पूर्व परीक्षेसाठी अर्ज करू शकतात. सध्या ही जाहिरात ५५२ जागांसाठी असली तरी, भविष्यात विविध विभागांकडून मागणीपत्र प्राप्त झाल्यास मुख्य परीक्षेपूर्वी या पदसंख्येत वाढ होऊ शकते, असे संकेतही देण्यात आले आहेत.