मुंबई पोलीस भरती: मैदानी चाचणी ११ फेब्रुवारीपासून

मुंबई: मुंबई पोलीस दलातील भरती प्रक्रियेची आतुरतेने वाट पाहणाऱ्या उमेदवारांसाठी एक मोठी आणि महत्त्वाची बातमी समोर आली आहे. पोलीस भरती येत्या ११ फेब्रुवारीपासून सुरू होत आहे. या चाचणीसंदर्भातील ठिकाणे आणि मैदानाबाबतचे महत्त्वाचे तपशील उघड झाले आहेत. प्राप्त माहितीनुसार, पुरुष आणि महिला उमेदवारांसाठी चाचणीची ठिकाणे वेगवेगळी निश्चित करण्यात आली आहेत. महिला उमेदवारांची (मुलींचे ग्राउंड) मैदानी चाचणी नायगाव, दादर येथे पार पडणार आहे. या ठिकाणी त्यांच्यासाठी २०० मीटरचा ट्रॅक उपलब्ध असेल. दुसरीकडे, पुरुष उमेदवारांची (मुलांचे ग्राउंड) चाचणी मरोळ, अंधेरी येथील मैदानावर होणार असून, त्यांच्यासाठी ४०० मीटरचा ट्रॅक असणार आहे. उमेदवारांनी एक अत्यंत महत्त्वाची बाब लक्षात घ्यावी की, दादर आणि अंधेरी ही दोन्ही मैदाने मातीची आहेत. येथे सिंथेटिक ट्रॅकची सुविधा नाही. तरीही, उमेदवारांना धावताना 'स्पाइक्स' (Spikes) वाले शूज वापरण्याची मुभा देण्यात आली आहे, अशी माहिती मिळत आहे.