SSC GD भरती २०२६: परीक्षेच्या तारखा जाहीर; २३ फेब्रुवारीपासून सुरू होणार 'सीबीटी' परीक्षा

नवी दिल्ली | १७ जानेवारी २०२६ स्टाफ सिलेक्शन कमिशन (SSC) द्वारे घेतली जाणारी SSC GD कॉन्स्टेबल २०२६ ची लेखी परीक्षा आता अवघ्या काही आठवड्यांवर येऊन ठेपली आहे. कमिशनने दिलेल्या अधिकृत माहितीनुसार, संगणक आधारित परीक्षा (CBT) २३ फेब्रुवारी २०२६ पासून सुरू होणार आहे. या भरतीद्वारे देशभरातील विविध निमलष्करी दलांमध्ये (BSF, CISF, CRPF, SSB, ITBP, AR आणि SSF) एकूण २५,४८७ पदांची भरती केली जाणार आहे. परीक्षेच्या ४ दिवस आधी अधिकृत वेबसाइटवर हॉल तिकीट डाऊनलोड करण्यासाठी उपलब्ध होईल.