मुंबई पोलीस भरती : मैदानी चाचणी ११ फेब्रुवारीपासून सुरू

मुंबई: मुंबई पोलीस दलातील पोलीस शिपाई, शिपाई (बँड्समन) आणि कारागृह पोलीस शिपाई या पदांच्या भरतीसाठी आतुरतेने वाट पाहणाऱ्या उमेदवारांसाठी एक मोठी अपडेट समोर आली आहे. पोलीस आयुक्त कार्यालय, बृहन्मुंबई यांच्या पत्रानुसार, या भरती प्रक्रियेतील शारीरिक मोजमाप आणि मैदानी चाचणी ११ फेब्रुवारी २०२६ पासून घेण्याचे प्रस्तावित आहे. मैदानी चाचणीचे नियोजन: मिळालेल्या माहितीनुसार, चाचणीसाठी खालीलप्रमाणे मैदानांची निवड करण्यात आली आहे: नायगाव आणि दादर मैदान: येथे सुरुवातीला महिला उमेदवारांची चाचणी घेतली जाईल. पहिल्या दोन दिवसात दररोज २५०० महिलांना, त्यानंतर दररोज ५००० महिलांना बोलावण्यात येणार आहे. मरोळ मैदान: येथे पुरुष उमेदवारांची शारीरिक मोजमाप आणि मैदानी चाचणी घेतली जाईल. सुरुवातीला दररोज २५०० आणि नंतर ही संख्या वाढवून दररोज ९००० उमेदवारांची चाचणी घेतली जाण्याचे नियोजन आहे. ही तारीख सध्या 'प्रस्तावित' असून अधिकृत वेळापत्रक लवकरच संकेतस्थळावर जाहीर होईल. उमेदवारांना त्यांचे प्रवेशपत्र (Hall Ticket) लवकरच अधिकृत पोर्टलवर उपलब्ध करून दिले जातील.