नांदेड पोलीस भरती: ११ फेब्रुवारीपासून मैदानी चाचणीचा थरार; सराव अंतिम टप्प्यात

नांदेड: नांदेड जिल्हा पोलीस दलात पोलीस शिपाई पदासाठी अर्ज केलेल्या हजारो उमेदवारांची प्रतीक्षा संपली आहे. या पदासाठीची शारीरिक मोजमाप आणि मैदानी चाचणी ११ फेब्रुवारी २०२६ पासून सुरू होणार असल्याचे जाहीर करण्यात आले आहे. मैदानी चाचणीमध्ये पुरुषांसाठी १६०० मीटर धावणे, १०० मीटर धावणे आणि गोळाफेक, तर महिलांसाठी ८०० मीटर धावणे, १०० मीटर धावणे आणि गोळाफेक असे एकूण ५० गुणांचे इव्हेंट्स पार पडतील. लेखी परीक्षेच्या शर्यतीत टिकून राहण्यासाठी उमेदवारांना किमान ५०% गुण मिळवणे अनिवार्य आहे. उमेदवारांनी भरती केंद्रावर येताना आपली मूळ कागदपत्रे आणि प्रवेशपत्र (Hall Ticket) सोबत ठेवण्याचे आवाहन पोलीस प्रशासनाने केले आहे